Министерството за правда го испрати барањето за екстрадиција на осомничениот за убиство и грабнување Љупчо Палевски Палчо од Турција, информираа од таму.
Истото преку Министерството за надворешни работи ќе биде доставено по дипломатски пат до турските власти.
-Oригинал документ е испратен по ДХЛ до Министерството за правда на Република Турција и во скенирана верзија е пратен и до ИНТЕРПОЛ. Очекуваме соработка со правосудните органи на Република Турција, навремено процесуирање и постапување од нивна страна во најкус можен рок, велат од таму.
-Верувам дека после добивање на нашето барање, ќе контактираме директно и со министерот за правда на Турција, изјави денеска министерот за правда, Кренар Лога.
Турција е стратешки партнер на Македонија за многу други побитни прашања од ова, подвлече тој.
-Јас верувам дека за релативно кратко време ќе добиеме позитивен одговор и осомничениот ќе биде меѓу нас, рече министерот.
Во однос на временската рамка, тој посочи дека е неизвесно, бидејќи, како што рече, не знае колку осомничениот ќе ги искористи правните механизми да се жали.
ПОВРЗАНИ ВЕСТИ
На Фејсбук, група за „правда“ за Палевски, се договара и протест
Кој помогна Палевски да се лоцира во Турција?
(Видео) Дали Вања е убиена порано, објавени снимки од возилата со кои е грабната