Бојан Јовановски Боки 13, осуден за случајот „Рекет“ останува на слобода, откако пред неколку месеци доби условен прекин на казната и излезе од затвор, поради здравствени проблеми.
На него му се суди и за друг предмет поврзан со неговото здружение „Меѓународен сојуз“.
ПОВРЗАНИ ВЕСТИ
На Боки 13 од почеток ќе му се суди за случајот „Меѓународен сојуз“
Како што објави Скопје 1 во медицинскиот став од конзилијарното мислење на десетина доктори презентиран во Кривичниот суд Скопје, болеста на Јовановски не може да се третира во затвор, бидејќи нема терапија, ниту услови, а тој е инвалид од прв степен.
На Јовановски му се препорачува да биде физички активен, вели за порталот началникот доктор-специјалист Стојанче Јованов, на прашањето како Боки 13 е во лоша состојба, а е постојано присутен во јавноста.
ПОВРЗАНИ ВЕСТИ
(Видео) Боки 13 ја преработи „Само една песна таговна“ на Пепи Бафтировски
Тој посочува дека на Јовановски не му е забрането да ги обавува своите животни функции и му се препорачува физичка активност, но истовремено, вели дека состојбата му се третира секојдневно со болнички лекови и посебни режими.
„Во затвор не може да прима адекватен хигиено диететски режим, ниту да ја прими терапија секогаш кога му е потребна, во даден момент. Пациентот кога има јаки болки доаѓа и два до три пати во болница за да може да функционира.
Особено во затворски услови не може да се спроведува хигиено-диететски режим, а ако тој не се спроведува, ќе дојде до катастрофални последици кои можат да бидат и смртни. Хигиено-дитетскиот режим и спроведувањето на таквиот протокол е најважен за овој тип болест“, вели Јованов.
ПОВРЗАНИ ВЕСТИ
Боки 13 најави документарно-игран филм “Рекет“
Камчев нема да добие 1,5 милион евра од Катица Јанева и Боки 13
Фото: Фејсбук/Јовановски