еМагазин
Image default
Локално ТОП СТОРИИ

Брачен пар од Арачиново бил приведен откако кумановка пријавила дека не сакале да ѝ го вратат бебето

На 23.02.2025 во 19.30 часот во СВР Куманово, М.М. (41) од Куманово пријавила дека А.М. (39) и неговата сопруга А.М. (35) од с.Арачиново, скопско, не ѝ го давале нејзиното новороденче, информираат од Секторот за внатрешни работи Куманово.

Според пријавеното, пред околу четири месеци, додека била бремена, се запознала со сопружниците, кои ѝ понудиле финансиска помош откако ќе се породи.

„Како што е пријавено, таа се породила на 18.02.2025, а два дена подоцна излегла од болница и била пречекана од А.М. и А.М., кои ѝ предложиле да потпише изјава кај нотар за да може бебето неколку дена да остане кај нив“, додаваат од полицијата.

Исто така, според пријавеното, на 21.02.2025 таа го оставила бебето во нивниот дом и А..М. (39) ѝ дал пари, а кога побарала на 23.02.2025 да си го земе, тој не ѝ го дал со образложение дека ќе остане кај нив.

„На 24.02.2025 околу 01.40 часот, полициски службеници од СВР Скопје ги лишиле од слобода сопружниците“, велат од кумановската полиција.

Како што додаваат оттаму, тие биле приведени во полициска станица и по целосно документирање на случајот против нив ќе следува соодветна пријава.

Фото: МЗ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Ел те инженеринг“ го доби тендерот на ГА-МА за одржување и итни приклучоци на гасоводот вреден 1,3 милиони евра

Редакција

Цените на бензините и дизeлот остануваат исти, мазутот поевтинува

Редакција

Нови 127 случаи на Ковид-19, најмногу во Скопје и Куманово

Редакција