Министерот за внатрешни работи Оливер Спасовски на денешната прес-конференција информираше дека 14-годишната Вања Ѓорчевска од Скопје била грабната на излегување од дома, во влезот на зградата.
Нејзе ѝ биле врзани рацете и нозете, била ставена во вреќа за спиење и ставена во гепек.
Вања била грабната со возилото на убиениот велешанец Панче Жежовски.
„Токму со тоа возило е земена малолетничката и тоа во влезот од зградата односно од живеалиштето, откако претходно според исказите на осомничените таткото споделил информација со организаторот за денот и времето на нејзиното излегување сама од дома“, рече министерот Спасовски.
Како што кажа Спасовски, Ѓорчевска е киднапирана со цел да се изнудат пари од нејзината мајка, а набрзо потоа била убиена со пиштол. Убиецот ја убил исплашен од доказите до кои може да дојде полицијата на веќе започната истрага по пријавата.
ПОВРЗАНИ ВЕСТИ
Граѓани бараат смртна казна за убијците на Вања
Дали е татко на Вања инволвиран во нејзиното грабнување? Тој негира