На денешната прес-конференција, министерот за внатрешни работи, Оливер Спасовски и основниот јавен обвинтел од Основното јавно обвинителство, Гаврил Бубевски, информираа дека постои основно сомневање за инволвираност во грабнувањето на 14-годишна Вања Ѓорчевска од Скопје и на нејзиниот татко, Александар Ѓорчевски.
ПОВРЗАНИ ВЕСТИ
Кои се осомничените за убиството на Вања Ѓорчевска и Панче Жежовски
Оваа сомневање се должи на информациите кои МВР и Обвинителството ги добиле од двајца од осомничените, кои се во 48-часовен притвор, според кои лицето кое е во бегство во Бугарија, Љупчо Палевски Палчо, а кој се сомничи како извршител на убиството на Вања и на 74-годишниот Панче Жежовски од Велес, им рекол дека таткото на Вања му дал информации кога таа ќе излезе од дома.
Девојчето било киднапирано од влезот на зградата каде живее, а по неколку часа било убиено.
ПОВРЗАНИ ВЕСТИ
Приведен и таткото на убиената Вања, три лица се во притвор, едно е недостапно
Татко кој е приведен синоќа негирал дека дал такви информации и дека има врска со киднапирањето, подвлече Бубевски, кој рече дека и за него поради истрагата ќе биде побаран притвор.
ПОВРЗАНИ ВЕСТИ
Вања била убиена пред една недела, неколку часа по киднапирањето
Граѓани бараат смртна казна за убијците на Вања