Вилма Русковска не е повеќе јавен обвинител. Денеска едногласно таа беше разрешена од страна на Советот на јавни обвинители.
Оваа е епилогот од дисциплинката постапка која беше покренета против поранешната шефица на Обвинителството за гонење организиран криминал и корупција, поради претресот во Управата за финансиска полиција пред година и пол, кога Управата ја водеше Арафат Муареми, кој и поднесе кривична пријава.
Советот денеска го усвои предлогот на Комисијата за утврдување дисциплинска одговорност за разрешување на обвинителката.
Едногласно е одбиена и нејзината жалбата во врска со предлогот за нејзино разрешување.
Предлогот за поведување дисциплинска постапка против Русковска и уште две обвинителки го даде републичкиот јавен обвинител Љубомир Јовески, кој дополнително ја суспендира Русковска од работното место во август 2022 година.
Во јуни Обвинителството за гонење организиран криминал и корупција, со новиот шеф Ислам Абази, ги затвори предметите за Муареми и вработени истражители, бидејќи утврдило дека не постои основно сомнение дека пријавените ги сториле кривичните дела.
ПОВРЗАНИ ВЕСТИ
Вилма Русковска: Политиката ми затвори многу врати