Во општините Аеродром, Гостивар и Сарај ќе има в.д. градоначалници до локалните избори.
Во македонското Собрание денеска со 83 гласа „за„ и 17 „против“ беше усвоен Законот за изменување и дополнување на Законот за локалната самоуправа, по скратена постапка, кој го овозможува тоа.
За измените гласаа пратениците на ВМРО-ДПМНЕ, ЗНАМ, коалицијата „Вреди„, но и пратеници на „Европскиот фронт“ предводен од ДУИ, со што беше обезбеден и т.н. „голем бадантер“.
Со измените се предвидува в.д. градоначалник во општините каде по сила на закон им престанал мандатот на избраните градоначалници да можат да ја извршуваат оваа функција до изборот на нов прв човек на општината.
По парламентарните избори во земјата и изборот на министри и пратеници, в.д градоначалници има во општините Аеродром, Гостивар и Сарај.