Откако Македонија беше коспонзор на Резолуцијата на САД за Украина во Обединетите Нации (ОН), а не на таа зад која застана Европската Унија (ЕУ), имаше реакции во јавноста дали земјава е целосно усогласена со Унијата.
На Генералното Собрание во ОН помина Резолуцијата зад која застана ЕУ, а на Советот на ОН, таа на САД.
ПОВРЗАНИ ВЕСТИ
Македонија ќе ја подржи Резолуцијата на САД за Украина во ОН, а не на ЕУ
Премиерот Христијан Мицкоски синоќа изјави дека никој не треба да има дилема во усогласеноста на Македонија со надворешната и одбранбена политика на ЕУ.
Тој порача дека Македонија секогаш ќе биде усогласена со ЕУ, а земјата дала подршка на САД, бидејќи е наш стратешки партнер.
-Ние застанавме со нашиот стратешки партнер, тоа се САД, а тоа не беше Резолуција на ЕУ, бидејќи исто така коспонзор на Резолуцијата на САД е земја – членка на ЕУ, а тоа е Унгарија, така што не може да стане збор за усогласена надворешна политика на ЕУ, рече тој, подвлекувајќи дека нашата надворешна и одбранбена политика е усогласена со таа на ЕУ.
-Ние застанавме позади Резолуцијата и бевме коспонзори на Резолуцијата на САД која што е единствената усвоена Резолуција од страна на Советот за безбедност, а тоа значи дека е апликативна, рече Мицкоски.
ПОВРЗАНИ ВЕСТИ
(Фото) ОН ја прифати Резолуцијата на ЕУ за Украина, не на САД, за која Македонија беше коспонзор
Фото: Влада