„Куќа на среќата“, е дел од иницијативата „Одмор за едно семејство“ кое се организира преку Фејсбук групата „Бесплатно сместување Македонија и превозници со големо срце“ за да успеат да испратат 15 семејства на одмор наредната недела.
„Ајде заедно да бидеме среќата за 15 семејства, среќата за многу мајки и татковци, среќата за многу деца… Помогнете ни да ги собереме потребните парични средства за да може да ги испратиме на море. Вашата помош е нивна среќа – донирајте за бесплатен одмор!
Време многу немаме, но за тоа знаеме дека вие имаме хумани срца и компании кои можат да ни помогнат и да ја исполнат желбата на неколку деца и семејства да ги испратиме на одмор. Некои деца се уште се надеваат на море и на песок, за нив летото ќе трае и ќе биде посакувано во било кој период од годината.
Вашата помош е клучна! Со вашата добрина, можеме да им овозможиме на овие семејства незаборавно искуство и момент на среќа. Ве повикуваме да се вклучите и да помогнете да ги исполниме нивните соништа. Заедно можеме да направиме разлика!
Преку Facebook групата Бесплатно сместување Македонија и превозници со големо срце (facebook.com), како и претходните години, така и оваа година имавме можност да испратиме многу семејства на бесплатен одмор и да бидеме радост за многу семејства, исполнување на сонот на многу деца.
Ве повикуваме да ни се приклучите во оваа акција и заедно да испратиме цел автобус, односно 15 семејства во Неа Пори – Грција, бидејќи 15 апартмани чекаат на нив, 15 апартмани веќе ни се обезбедени како донација, но семејствата не се финансиски моќни за да може сами да го обезбедат превозот и сите дополнителни трошоци за еден одмор. За нив, идејата за одмор и времето поминато со најблиските е далеку од реалноста.
Потребно е да обезбедиме трошоци за превоз, туристичка такса и осигурување. Превозот кој е најден за цел автобус од 50 лица изнесува 80.000 денари, туристичката такса изнесува 90 денари од ден и осигурувањето во зависност од бројот на членовите во износ од 300 до 1.000 денари,“ се вели во апелот.
Како можете да подржите:
Донирајте на нашата сметка на здружението Куќа на Среќата – 200003824125567 – Стопанска банка АД Скопје
IBAN MK07200003825028637 SWIFT код; STOBMK2X
или
Донирајте преку ЛИНКОТ на ecrowd.mk.
ПОВРЗАНИ ВЕСТИ
Помогнете на семејства кои не се во можност да отидат на одмор