Централната банка на Косово (ЦБК) одлучи од 1. февруари, единствена валута за плаќање во таа држава да биде еврото.
„Единствена валута дозволена за вршење на готовински платен трансакции – во готовина во платниот систем во Република Косово е еврото, исто така, единствена валута според член 11 од Уставот на Република Косово и членовите 16, 17 и 18. од Законот бр.03/л-209 за Централната банка на Република Косово“, се наведува во член 34 од Регулативата на ЦБК за готовинско плаќање, а пренесуваат косовските медиуми.
Со оваа одлука, се доведуваат под знак прашање платежните трансакции со Србија.
Во областите со мнозинско српско население во Косово се користи официјалната валута на Србија – динарот. На вработените во српските инситуции, како и пензиите во српскиот систем, детскиот додаток и социјалната помош се исплаќаат во динари.
Динарот се користи и во трговските објекти во српските области во Косово.
Фото: Унсплеш