„Крилото“ на претседателот на владејачката Алијанса за Албанците (АА), Арбен Таравари, испрати преставка до Основниот суд Тетово, со што ја започна правната „битка“ за спорот со поранешниот лидер на АА, Зијадин Села, кој неговото „крило“ го избра по третпат за претседател на партијата.
Со преставката се оспорува Конгресот, кој го организираше Села, а на кој Таравари беше разрешен од претседателското место.
Со истата се оспоруваат и одлуките од тој Конгрес.
Деновиве документи до Судот ќе испрати и „крилото„ на Села, а дали судот ќе донесе одлука пред престојните избори и дали истата ќе ги смири страстите останува да видиме.
Партијата моментално има двајца претседатели. „Крилото“ на Таравари официјално ќе коалицира предизборно со Беса, Демократско движење и Алтернатива, а од “крилото“ на Села, засега нема официјална потврда дали останува одлуката да оди на избори самостојно.
Доколку нема правна разрешница, нејасно е чиви кандидатски листи за пратеници до 2. април ќе прифати Државната изборна комисија, таа на Таравари или таа на Села.
ПОВРЗАНИ ВЕСТИ
Кој е Зијадин Села, кој неговото „крило“ повторно го избра за претседател на Алијанса за Албанците
Кој е Арбен Таравари, кандидат за претседател на албанската опозиција
Фото: АА