Во првото тромесечие од годинава, Жито Лукс АД Скопје, остварил добивка пред оданочување во износ од 2,2 милиони денари, приближно ист резултат како и првото тромесечие лани, информираа од таму преку Македонската берза.
-Оперативниот профит е зголемен за 1,2 милиони денари споредено со првото тромесечие од минатата година.
Бруто добивката за споменатиот период е во износ од 86 милиони денари, при што е реализирана бруто маржа од 31%.
Приходите од продажба во првиот квартал од 2025 година се генерално на исто ниво како минатата година.
Продажбата на водечките категории како специјален леб и тост леб бележи пораст од 4% во обем во споредба со истиот период минатата година, додека намалувањето доаѓа од останатите споредни категории на производи.
Останатите оперативни приходи, во износ од 2,7 милиони денари, се благо намалени за 3% во споредба со истиот период минатата година.
Трошоците на произведени производи се зголемени за 3% споредбено со минатата година. Главни фактори кои придонесуваат за повисоките трошоци се зголемените цени на примарните производствени инпути, цената на пченицата и енергијата, како и трошоците за работна сила.
Останатите оперативни трошоци се намалени за 9%, воглавно поради повисоките трошоци минатата година поврзани со процесот на ребрендирањето на Друштвото, велат од таму.
ПОВРЗАНИ ВЕСТИ
Колку потрошил Жито Лукс за плати и надоместоци на менаџментот лани
Жито Лукс лани со зголемна добивка