Во 2023 година биле исплатени вкупно 11.252.577 денари по основ на бруто плати на членовите на Управниот одбор (УО) на Скопски пазар АД Скопје и 2.184.814 денари по други основи, стои во Годишниот извештај на Друштвото објавен преку Македонската берза.
На членовите на Надзорниот одбор (НО) пак им биле исплатени вкупно 2.617.041 денари по основ на бруто плати и 952.299 денари по други основи.
-Примањата кои членовите на Управниот и Надзорниот одбор ги оствариле по основ на членување во органи на управување на други друштва и по други основи се од доверлив карактер, велат од Друштвото.
Во НО се бизнисменот Фатмир Етеми, кој е претседател, Димитар Џеков ‐ независен член и Ацо Дудулоски.
Претседател на УО е Младен Дамев, а членови се Озџан Даут, Велимир Шиповиќ, Арменд Етеми и Бесар Етеми.
ПОВРЗАНИ ВЕСТИ
ЗСФ-КОМ и Современ дом ја зголемија сопственоста во Скопски пазар