Комерцијална не ја коментира реакцијата на Пелистерка, Банката нема да ја менува понудата за откуп на сите акции на Стопанска банка Битола

По реакцијата на Пелистерка АД Скопје дека понудата на Комерцијална банка АД Скопје за откуп на сите акции со право на глас на Стопанска банка АД Битола е несоодветна, преку Македонската берза регираше и Комерцијална.

ПОВРЗАНИ ВЕСТИ

За Пелистерка понудата на Комерцијална за откуп на акциите на Стопанска банка Битола е несоодветна

Пелистерка е најголемиот акционер во Стопанска банка Битола.

ПОВРЗАНИ ВЕСТИ

Кој е најголем акционер во Стопанска банка Битола, која доби понуда од Комерцијална за купување на сите акции

-Комерцијална банка нема намера да коментира поединечни изјави на акционери на Стопанска банка Битола, дури и да се тие квалификувани акционери.

Во согласност со законските прописи, Комерцијална банка објави јавна понуда за преземање на Стопанска банка Битола, во која се содржани сите важни елементи како што се понудената цена од 3.200 денари по акција, прагот на успешност од 67% плус една акција од вкупно издадените акции и рокот за изјаснување на акционерите заклучно со 22.09.2024 година.

Сите други информации се содржани и во придружниот Проспект кон Јавната понуда. Надвор од овие законски пропишани документи, Комерцијална банка нема ништо дополнително да додаде или да коментира никакви други изјави се до завршување на законски пропишаниот рок.

Комерцијална банка само уште еднаш истакнува дека оваа нејзина понуда ќе биде прва, последна и единствена понуда за откуп на 100% од акциите на Стопанска банка Битола, велат од Комерцијална.

ПОВРЗАНИ ВЕСТИ

Кои се акционери во Стопанска банка Битола, понудата на Комерцијална за преземање ги откри

Што пишува во понудата на Комерцијална за преземање на Стопанска банка Битола

Стопанска банка Битола има рок до 22. септември да ја прифати, Комерцијална ја објави понудата за преземање