Државната изборна комисија (ДИК) го утврди редоследот на кандидатските листи за парламентарните избори, кои ќе се одржат на 8. мај.
Под број 1 е Коалицијата за европска иднина предводена од СДСМ, број 2 – Коалицијата „Твоја Македонија“ предводена од ВМРО- ДПМНЕ, број 3 – Коалицијата „Храбро за Македонија“ предводена од ГРОМ, број 4 – Коалицијата “Европски форнт“, број 5 – Левица, број 6 – Коалицијата „Вреди“, број 7 – Движењето ЗНАМ – За наша Македонија, број 8 – Единствена Македонија, број 9 – Нова алтернатива, број 10 – Аваја, број 11 – Европско граѓанско движење, број 12 – Македонска ера трета/Македонски независни листи, број 13 – Твоја партија, број 14 – Родина Македонија, број 15 – Десна, број 16 – Демократи и број 17 – Работничка партија.
Прифатени се и листите за пратеници на Демократи – Скопје за Изборна единица 6 (ИЕ), на Единствена Македонија за ИЕ 1, 2, 3, 4 и 5, на Нова алтернатива и Десна за ИЕ 1, 2 3 и 4, на Работничка партија за ИЕ 1 и 5, и на Родина Македонија за ИЕ 3.
Поради некомплетна документација отфрлени се листите на кандидати за пратеници во ИЕ 2, 3, 4 и 6 на Работничка партија, листата на Едниствена Македонија за ИЕ 6 и листите на кандидати на Десна за ИЕ 5 и 6.
За листата на Работничка партија за ИЕ 6, од ДИК информира дека се воочени специфични неправилности за кои се известени надлежните институции.