Раководителот на Секторот за поддршка на градоначалникот на Општина Гази Баба и советник во советот на Општина Чаир, Ѓоко Велковски е кандидатот на опозициската ВМРО-ДПМНЕ за министер за труд и социјална политика во техничката влада.
ПОВРЗАНИ ВЕСТИ
Кои се кандидатите на ВМРО-ДПМНЕ за министри и заменици-министри во техничката влада
Политичка кариера
Според неговата биографија Велковски неколку години работел во Министерството за труд и социјална политика (МТСП) како раководител на Одделението за внатрешна ревизија, како соработник во Секторот за финансиски прашања, а бил и посебен советник во Кабинетот на дополнителн заменик министер за прашања поврзани со хумана популациона политика во 2016 година, како и кабинетски службеник во областа на трудовото право и правата од законот за работни односи во МТСП во 2020 година за тогашната техничка влада,
Претходно работел и како локален економски консултант во Институтот за белодробни заболувања туберкулоза – Државна болница Скопје, бил внатрешен ревизор – соработник во Град Скопје и секретар на Град Скопје од 2021 година до 2023 година.
„Судирот со Арсовска„
Како секретар на Град Скопје, беше разрешен од страна на градоначалничката Данела Арсовска, а причината за неговото разрешување според неа било поради влијание на тендерска постапка за изградба на пречистителна станица во Скопје.
ПОВРЗАНИ ВЕСТИ
Велковски вели дека не е разрешен, си дал оставка оти бил разочаран од градоначалничката Арсовска
Поради влијание во тендерска постапка разрешен и секретарот на Град Скопје, Ѓоко Велковски
Тој пак негираше дека е разрешен и посочи дека не бил сменет, туку си дал оставка, бидејќи бил разочаран од Арсовска.
ПОВРЗАНИ ВЕСТИ
Кој е Панче Тошковски, кандидатот на ВМРО-ДПМНЕ за министер за внатрешни работи во техничката влада
Кои се кандидатите за заменици министри на ВМРО-ДПМНЕ во техничката влада
Фото: Фејсбук/Велковски