Отец Димитар повикува на Акатист и Литургија за настраданите и повредените во пожарот во Кочани

Свештенството при храмот „Св. Вмч. Георгиј“ – Кочани повикува денеска на Акатист кон Пресвета Богородица, а утре на Заупокоена Литургија.

„Во овие великопосни денови кога имаме поголема потреба од засилена молитва, а според Типикот пропишан од Православната Црква денеска со почеток во 17 часот ќе се отслужи Акатист кон Пресвета Богородица на кој верниците можат да донесат петолебие за здравје, а во саботата со почеток во 07 часот ќе се отслужи утрена со Заупокоена Литургија каде верниот народ може да донесат варена пченица и вино за покој на своите ближни.

Поради немилите настани посебно апелираме родителите (или ближните) на повредениете дечиња да донесат петолебие или во најмала рака да се присутни на Акатистот, а родителите на прерано упокоените да дојдат на Заупокоената Литургија (со вино и пченица).

Ве повикуваме сите на соборна молитва,“ пишува отец Димитар на неговиот Фејсбук-профил.

Овој повик важи за сите верни низ цела Македонија, бидејќи во сите храмови денеска се служи Акатист, а утре Литургија.

ПОВРЗАНИ ВЕСТИ

(Видео) „На душите им треба молитва, да ги погребеме децата па ако сакате запалете го градот,“- свештеник ја смирува вчерашната толпа во Кочани

Фото: Фејсбук