Четиринаесет годишната Вања Ѓорчевска од Скопје била киднапирана со автомбил марка Цитроен, на 74-годишниот Панче Жежовски од Велес, кој е убиен претходно од истата група на осомничени за убиството на Вања.
ПОВРЗАНИ ВЕСТИ
(Фото) Убиениот Панче Жежовски бил закопан во триметарска јама
Како што информираа на денешната прес-конференција министерот за внатрешни работи, Оливер Спасовски и основниот јавен обвинител, Гаврил Бубевски, Жежовски на еден од петмината осомничени за двете убиства му должел 500 евра.
– Затоа најверојатно е избран како жртва за да се земе колата за да се изврши грабнувањето, рече Бубевски.
Тој е киднапиран на 22. ноември од неговиот дом, а неговото исчезнување е пријавено на 24. ноември од страна на неговата ќерка.
Убиен е и закопан во близина на патот Велес-Скопје.
По убиството на Вања, неговиот автомобил, за кој не било пријавено дека е украден, беше пронајден изгорен во атарот на селото Бразада, во Општина Чучер Сандево, каде е пронајдено и телото на Вања.
Од грабнувањето на Панче до грабнувањето на Вања ова возило не било во движење низ Скопје и не е снимено од камерите на безбеден град.
ПОВРЗАНИ ВЕСТИ
(Фото) Распишана меѓународна потерница за Љупчо Палевски, осомничен за убиството на Вања и Панче
Вања била грабната на излегување од дома, во влезот на зградата ѝ биле врзани рацете и нозете
Тројца од петмината осомничени за убиството на Вања и Панче го признале делото
Фото: Фејсбук/Жежовски