Од 1. јануари корисниците на струја од третиот блок ќе плаќаат поскапа струја за 2,88%, а тие од четвртиот за 1,86%. Цената на струја во првиот блок се намалува за 5,16%, а во вториот и за евтината струја останува иста, информираше денеска претседателот на Регулаторната комисија за енергетика (РКЕ), Марко Бислимоски.
Мрежарината се намалува за 23%, а во сметката за струја ќе има уште една ставка, за пристап до мрежа, кој ќе го плаќаат сите, без разлика колку струја трошат.
– Сите потрошувачи, односно домаќинства ќе плаќаат 200 денари за пристап на мрежа. Дополнително, потрошувачката на струја се намалува во земјата пред сѐ поради поставувањето фотоволтаици на домаќинства и компании. Не беше фер тој товар да го понесат потрошувачите кои не поставиле фотоволтаици на своите кровови. Ова е правилен пристап според нашата институција, рече Бислимоски.
Фото: Унсплеш