Од Јавното сообраќајно претпријатие (ЈСП) „Скопје“ велат дека јавниот превоз во Скопје ќе продолжи да функционира непречено, а приватните превозници ќе продолжат да возат согласно возниот ред.
ПОВРЗАНИ ВЕСТИ
Претходно дел од приватните превозници најавија дека до петок ќе возат само до 10 часот наутро поради неисплаќање на долгови од страна на Град Скопје и ЈСП.
Од ЈСП велат дека долгот кон приватните превозници ќе се отплаќа согласно динамиката која ја договориле со в.д. директорот на претпријатието, Драги Кушовски, непосредно по неговото именување на функцијата.
„Приватниците и Кушовски денеска одржаа втора средба на која го потврдија претходно договореното во однос на исплатата на долгот, а во меѓувреме, ветеното од првата средба од страна на ЈСП е реализирано, со гаранција дека договорот во целост ќе биде испочитуван“, велат од таму.