Лавина од реакции предизвика информацијата дека партијата на косовскиот премиер, Албин Курти, „Самоопределување“ станала дел од коалицијата „Европски сојуз за промени“, во која се Алтернатива, Беса и Демократското движење и дека ќе учествува на престојните парламентарни избори.
ПОВРЗАНИ ВЕСТИ
Според македонската законска регулатива во земјава не само партијата на Курти, туку и било која партија регистрирана во друга држава неможе да дејствува полтички.
Според Законот за политички партии е забрането овие партии да се регистрираат и под исто име, а членовите мора да бидат македонски државјани.
Согласно пак Изборниот законик и Законот за пратеници, право да биде избран за пратеник има само државјанин на Македонија.
И македонскиот Устав забранува државјанин на друга држава да се кандидира на избори во земјава и да биде избран за пратеник и да има двојно државјанство.
Поранешниот функционер на ДУИ, Изет Меџити, кој сега е претседател на Демократското движење, по бурните реакции дообјаснува дека претставници на “Самоопределување“ ќе биле на заедничките листи како поединци, не како партија.
“Тие имаат исти убедувања со нас и веќе се дел од коалицијата “Европски сојуз за промени“. Советникот на Албин Курти за Македонија, Беким Ќоку, е стружанец, тој е македонски државјанин и порано бил пратеник во Собранието, така што не го спречува ништо да се најде на кандидатска листа за пратеник“, изјави Меџити.
Фото: Фејсбук/Меџити