Цената на струјата ќе се зголеми за 27 проценти, ако се прифатат барањата од компаниите, кои учествуваат во одредувањето на цената – МЕПСО, МЕМО и Електродистрибуција, информираше денека претседателот на Регулаторната комисија за енергетика, водни услуги и услуги за комунален отпад (РКЕ) Марко Бислимовски.
Анализите почнуваат и цената на струјата ќе се знае до крајот на неделата.
„Ќе бидеме максимално транспарентни и нема да дозволиме граѓаните да почувствуваат ценовен шок,“ рече Бислимовски.
Во однос на воведувањето на пристап до мрежа, претседателот на РКЕ потенцираше дека тоа нема да биде нов трошок за потрошувачите и дека се ќе биде во рамки на одобрениот приход на компаниите.
“Никој нема да заработува пари од она што како цена ќе го определи РКЕ. Надоместокот ќе значи намалување на цената на мрежарината“, нагласи Бислимовски, апелирајќи да не се подлегнува на шпекулации.
Фото: Unsplash