Девојка на возраст од 20 години, една од 203 повредени во пожарот во т.н. дискотека во Кочани, била помеѓу потешките пациенти, а сега е на нозе и е во стабилна состојба.
По пожарот таа била два пати реанимирана, а моментално се лекува на Клиниката за пластична хирургија во Скопје, информираше министерот за здравство, Арбен Таравари.
Еднаш била реанимирана на Клиничкиот центар „Мајка Тереза“ во Скопје, а вториот пат при транспортот во странство.
„Сите пациенти кои дојдоа тоа утро беа тешки, изгорениците беа во поголем степен. Таа е реанимирана во Ургениот центар, па пренесена во КАРИЛ.
Таа е една од првите која беше пренесена во друга установа надвор од земјата. Вратена е во стабилна состојба“, рече тој.
Денеска се планира мал хируршки зафат за третирање на нејзините рани на кои сѐ уште им треба доста нега.
„Ги очекуваме сите други параметри, бидејќи беше малку покритична и некои компликации настанале за време на лекувањето, но рековме дека е стабилна и се движи. Кога ќе бидат сите анализи во ред би ја пуштиле на домашно лекување“, изјави директорката на Клиниката, д-р Јасмина Ѓоргиевска-Павловска.
Во скопските болници се уште се лекуваат девет повредени, а во странство 48.
Од пациентите во странство, двајца се во критична состојба.
ПОВРЗАНИ ВЕСТИ
(Видео) Роберт Божинов раскажа како бил спасен во пожарот во Кочани
Фото: МЗ