Од Министерството за внатрешни работи информираа дека 29-годишен навивач на Левски од Софија, Бугарија, бил избоден со нож во нападот кој се случи во скопски Чаир попладнево пред мечот на бугарскиот тим со скопски Шкупи.
– На 27.07.2023 во 18.38 часот во СВР Скопје е пријавено дека на ул.„Цветан Димов“ физички биле нападнати Д.А. (29), Д.Ј.(28), Ф.Д.(31) и М.С.(30), сите од Република Бугарија, при што бил употребен и остар предмет, со кој бил повреден Д.А..
Тој бил пренесен во ГОБ „Св.Наум Охридски“, каде му биле констатирани тешки телесни повреди, но според пријавеното од болницата, лицето е во стабилна состојба.
Се преземаат мерки за расчистување на случајот, велат од МВР.
ПОВРЗАНИ ВЕСТИ
(Видео) Со канти за ѓубре нападнати бугарски навивачи во скопски Чаир
(Видео) Бугарски навивачи ја нападнаа полицијата на стадионот „Тодор Проески“, има и уапсени
Фото: МЗ