Телевизијата Сител повикувајќи се на податоци добиени преку барање за информации од јавен карактер, објави дека 73 пратеници за 11 месеци лани инкасирале 360.00 евра за патни трошоци.
Податоците кои ги добила телевизијата покажуваат дека пратениците од владејачката СДСМ, пријавиле најмногу патни трошоци, 23 пратеници добиле 133.000 евра. Пратеничката група на ВМРО-ДПМНЕ е втора, 23 пратеници побарале 132 илјада евра.
Сумите кои минатата година ги пријавиле пратениците варираат од 7.800 до 770.000 денари.
Апсолутни рекордери за оваа година се Мирче Аџиоски, Јадранка Поцкова и Сурија Рашиди. На овие пратеници на сметките им легнале од 706 до 770 илјади денари.
Аџиоски од ВМРО-ДПМНЕ, лани дневно во просек добивал по 3.550 денари за да патува на релација Струга – Скопје.
Поцкова од истата пратеничка група, дневно во просек добивала 3.468 денари.
Рашиди од Алијанса, дневно во просек добивал по 3.254 денари.