еМагазин
Image default
БАШ НИ Е ЌЕФ ТОП СТОРИИ

„Макпетрол“ донира 16.500 литри млазно гориво и 8.000 литри дизел за екипите што гаснат пожари

Како општествено одговорна компанија, која секогаш ги поддржува иницијативите што ја зајакнуваат заедницата, компанијата „Макпетрол“ одлучи да донира 1.500.000 денари, односно 16.500 литри млазно гориво и 8.000 литри дизел на Дирекцијата за заштита и спасување, со цел да помогне во гаснењето на пожарите што ја зафатија земјава, информираат од компанијата.

Овие 16.500 литри млазно гориво би ги користеле леталата при сузбивањето на огнените стихии, додека 8.000 литри дизел се наменети за противпожарните возила, што во овој момент ги задоволува потребите на дирекцијата.

Продолжувајќи ги неколкудецениските практики на општествена одговорност „Макпетрол“ поднесе иницијатива наведеното количество гориво да биде отстапено без паричен надоместок. Компанијата на тој начин се надева дека ќе им обезбеди поддршка и на институциите и на граѓаните кои неуморно се вклучени во запирање на пожарите што ја зафатија земјава, велат од таму.

– Тоа што изминатиов период се случува не само во нашето најблиско опкружување, туку и во регионот и во светот, е непогода од застрашувачки размери која што може да остави несогледливи последици врз целото општество.

Во моменти како овие, секој од нас, и како индивидуи и како компании, потребно е да демонстрира висок степен на солидарност и да помогне според сопствените можности со цел да се минимизираат идните штети и да се заштити и природата и човечките животи. Се надеваме дека со оваа донација ќе дадеме придонес во целосното сузбивање на пожарите, истакнуваат од „Макпетрол“.

На планот на општествената одговорност, компанијата изминатава година иницира и повеќе активности за зајакнување на здравствениот систем во земјава, со цел на институциите и на персоналот што непрекинато работи во првите редови, да им се обезбеди дополнителна поддршка.

„Макпетрол“ и во следниот период ќе продолжи да ја демонстрира одговорноста кон општеството во секоја од областите во кои што тоа е најпотребно, велат од компанијата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Убава вест: Оздравени 479 пациенти болни од Ковид-19, од Скопје 358

Редакција

Нови 120 заболени од корона вирусот, најмногу во Скопје 64

Редакција

ОН: Светот се движи кон „климатска катастрофа“

Редакција