еМагазин
Image default
ЖИВОТ ТОП СТОРИИ

75% од луѓето во Македонија живеат со родителите до 30 годишна возраст

Во Македонија 75% од луѓето живеат со родителите до 30 годишна возраст и оваа состојба мора да се промени, рече претставничката од Интернационалната унија на станари, Барбара Стинберген на четвртиот Социо-еколошки форум во организација на Фондацијата „Фридрих Еберт“ со канцеларија во Скопје

„Во Швајцарија 70% се станари, а само 30% се сопственици, од земјата каде што доаѓам јас 40% имаат свои домови, а останатите 60% изнајмуваат. Сметам дека е многу важно граѓаните да имаат избор како сакаат да живеат, не само со сопствеништво, туку и како закупец, но и во рамки на задруги.

Потребна ни е промена кон социјална правичност и достапност, вистинскиот напредок доаѓа од социјалните движења. Во Македонија повеќе од 75% од луѓето живеат со своите родители до 30 годишна возраст, како таа младина да започне независен живот ако овој проблем не се надмине. Мора да најдеме јавно и достапно, па дури и социјално решение во овој систем на изнајмување“, рече Стинберген.

Директорот на Фондацијата Фридрих Еберт – канцеларија Скопје, Питер Хурелбринк изјави дека целта на форумот е на едно место да ги собере прогресивните носители на одлуки, претставници на синдикати, младински лидери, невладини организации од Западен Балкан, но и од останатиот дел на Европа кадешто заедно ќе се продискутира за можностите и потребите за социјално праведна еколошка трансформација, а истовремено да се поддржи и одржлив економски развој ставајќи крај на сиромаштијата со фосилни горива како што е особено видлива во овој регион.

Форумот беше отворен со воведни излагања на Ивана Вучкова, проектна менаџерка на Фондацијата, која потенцираше дека за демократија се потребни демократи, а за енергија потребна е демократизација. Таа изјави дека граѓаните мора да бидат вклучени во секоја локална или национална енергетска стратегија за да се обезбеди праведна енергетска транзиција како што е примерот со многу држави кои од фосилни горива преминале на обновливи горива, со инсталирање на големи електрани на ветер и сонце што придонесува за праведна транзиција.

Претседателот на Регулаторна комисија за енегетика, Марко Бислимовски, изјави дека во изминативе две и пол години во земјава се изградени нови електрани од обновливи извори со вкупен инсталиран капацитет од 700 MW, што претставува раст од 25-30 % на инсталираниот капацитет воопшто кој досега сме го имале со што практично сме ја зајакнале енергетската независност.

„Воведувањето на дневна евтина тарифа од 13 до 15 часот е директен бенефит од Елдорадото на фотоволтаици што се случува во земјава. Поради историскиот рекорден намален увоз на струја од 30 на 2,75%, како директен резултата на овие инвестиции во обновливи извори сега се анализира можноста да се прошири евтината дневна тарифа на уште еден дополнителен час“, рече Бислимоски.

Фото: Игор Бансколиев

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Маж во Катланово почина откако падна во необележана шахта

Редакција

„Пуцко петрол“ го доби милионскиот тендер на „Улици и патишта“ за набавка на горива

Редакција

Лавров за одложувањето на посетата на Србија: Одлука без преседан, нашите односи со Белград никој нема да ги уништи

Редакција