Бар во Њу Делхи одлучи на посетителите да им понуди „здив свеж воздух“ и наместо да продава цигари продава кислород. За цена од 299 рупии или околу 3,8 евра посетителите можат да се опуштат и и 15 минути да уживаат дишејќи чист воздух.
Од барот „Окси пјур“ нудат кислород со различна арома како лаванда, еукалиптус и други и велат дека секој од нив има различен ефект врз човечкото тело.
Њу Делхи е познат како еден од најзагадените градови во светот и често е во друштво на Скопје и другите македонските градови кои редовно се јавуваат во врвот на листите градови рангирани по загаденост на воздухот.
Останува да видиме дали некој од претприемачите во Скопје ќе му текне оваа идеја да ја преслика во главниот град на земјава, а посебно по реакциите во јавноста дека не се почитува регулативата и дека „деновиве“ слободно се пуши и во затворени објекти.
Фото/Видео: Al bavaba/Youtube/RT