Вакцината за корона вирусот не би можело да се очекува да биде произведена до крајот на оваа година, рече епидемиологот Владимир Микиќ одговарајќи на прашање на денешната видеосесија во Владата.
Тој додаде дека процесот за секоја вакцина е долготраен, и со максимално забрзување, најмалку се потребни од 12 до 18 месеци.
Микиќ појасни дека на откривањето на вакцината и претходат неколку фази и претклинички испитувања.
Докторот Жарко Караџоски од Институт за јавно здравје додаде дека, според некои насоки, можеби во септември би имало претклничко истражување и се согласува со Микиќ дека до крајот на 2020 година, вакцина се уште ќе нема.
“На крајот на 2020 година нема да имаме вакцина, меѓутоа во иднина на ова ќе гледаме дека сме се бореле со непозната работа која ќе биде сезонска,“ рече Караџоски.
ПОВРЗАНИ ВЕСТИ
Животот во некаква нормала би се вратил на почетокот или средината на мај
За велигденските празници, најверојатно полициски час ќе има и во понеделник на 20 април
Стапката на смртност од корона вирусот кај нас е 4,1 проценти, а во светот 6,2