Група „Европа“ за 2019 година оствари добивка во износ од 83.508.438 денари, која е помала во однос на претходната година за 21,5%, соопшти компанијата преку Македонската берза.
Во 2019 година остварени се вкупни бруто приходи на износ од 787.683.501 денари и се намалени за 1,6% во однос на бруто приходите од 2018 година.
„Вкупните оперативни приходи за 2019 година се намалени за 2,5% во однос на истите во 2018 година. Останатите приходи бележат зголемување од 20,6%, а кај финансиските приходи зголемувањето е 26,5% во однос на 2018 година.
Вкупните расходите се зголемени за 1,9% во однос минатата година. Оперативните расходи во 2019 година се зголемени за 2%, а финансиските расходи се зголемени за 8% во однос на 2018 година.“, информираат од компанијата.
Групата ја сочинуваат АД „Европа“ и заштитното друштво „Европак 2012“.
ПОВРЗАНИ ВЕСТИ
Намалена добивката на „Европа“
Македонската берза урива рекорди во остварениот промет
Топ пет најпрофитабилни компании на берзата: Трите големи банки убедливо на врвот
Фото: Европа