Кина соопшти дека ги поддржува напорите на Светска здравствена организација (СЗО) да го истражи потеклото на Ковид-19, како и оти е против обидите на САД и некои земји тоа прашање да се политизира и да се напаѓа Пекинг.
Портпаролката на кинеското Министерство за надворешни работи, Хуа Чинјанг коментирајќи ја изјавата на американскиот претседател Доналд Трамп, кој ја спореди епидемијата со Перл Харбор и нападите од 11 септември, истакна дека САД се борат против новиот коронавирус, а не со Кина.
Таа за тврдењето на американскиот државен секретар Мајк Помпео дека вирусот потекнува од лабораторија во Вухан, истакна дека тоа е уште една лага во неговите континирани напади врз Пекинг.
– Кина е транспарентна кога станува збор за епидемијата со коронавирусот, а американските политичари изнесуваат неосновани обвиненија против Кина, посочи Хуа.
МИА
ПОВРЗАНИ ВЕСТИ
СЗО: Шест или седум вакцини за Ковид-19 се во рана фаза на клинички испитувања
Кина не прифаќа меѓународна истрага за потеклото на корона вирусот