Доколку лицата вратени од странство со хуманитарни летови или конвои во последените 72 часа пред да влезат на територија на државата, имаат направено ПЦР тест за коронавирусот Ковид-19, наместо во задолжителен државен карантин, ќе се упатуваат во задолжителна домашна самоизолација.
Ова е предвидено со изменета и дополнување на Одлуката за спроведување на задолжителен државен карантин на државјаните вратени од странство со хуманитарни летови или конвои донесени на денешната седница на Владата.
„Наместо задолжителен државен карантин, задолжителна домашна изолација се определува и за странци за кои Главниот координативен кризен штаб одлучува во случаи на постоење државен или економски интерес, и кои ќе приложат соодветна медицинска потврда со негативен резултат од ПЦР тест, со задолжително придржување до протоколите од Комисијата за заразни болести при Министерството за здравство,“ се вели во соопштението од Влада.
ПОВРЗАНИ ВЕСТИ
Филипче: Границите ќе се отворат кон средината на јуни