Еден час траела воздушната опсада над воен авион од патролата на американската морнарица на Средоземното Море од страна на два борбени ловци на Русија.
„Третпат за два месеца, руски пилоти вчера летаа на небезбеден и непрофесионален начин за време на пресретнувањето на авионот Посејдон П-8А на поморската патрола на американската морнарица на Шестата флота“, се наведува во соопштението од морнарицата.
Пресретнувањето било небезбедно и непрофесионално поради тоа што руските пилоти симултано се приближиле до крилата на авионот П-8А, со што го ограничиле безбедното маневрирање на авионот.
Пентагон на 15 април пријави дека руски авион Су-35 пресретнал американски авион Посејдон П-8А над Медитеранот. Американската морнарица и тогаш наведе дека пресретнувањето било небезбедно.
МИА/Фото/Видео: Drive/Youtube/USNI news video