Вчера во Дебар, кој беше прво жариште на корона вирусот во Македонија беа регистрирани рекордни 18 новозаразени со Ковид-19, што е најголем број на нови случаи за 24 часа од почетокот на епидемијата.
Како што информираа деновиве локалните власти, најголем број од новозаразените се млади лица на возраст од 20 до 30 години, а како главни причини за повторното ширење на вирусот ги посочуваат непочитување на препораките за лична заштита и пропишаните протоколи во кафулињата, маркетите и други институции и очекуваат бројот на заразени да продолжи да расте.
Според податоците на Министерството за здравство, Дебар, кој до неодамна беше добар пример за справување со вирусот, има вкупно 81 случаи на заразени со Ковид-19, од кои моментално се активни 29.
До сега во Дебар поради компликации од вирусот починаа четири лица.
ПОВРЗАНИ ВЕСТИ
Чаир убедливо прв во Македонија по бројот на активни случаи на Ковид-19
Македонија има над 5.000 заразени со корона-вирусот
Фото: Општина Дебар