Градоначалникот на Општина Струга, Рамиз Мерко е позитивен на Ковид-19 и е хоспитализиран на Инфективната клиника во Скопје.
Од локалната самоуправа во Струга потврдиле дека Мерко синоќа сам заминал во Скопје и по извршениот преглед бил примен на Клиниката за инфективни болести.
Во Струга вчера беа регистрирани двајца новозаразени со коронавирусот, а активни случаи во оваа општина се 142.
Вкупниот број заразени во Струга од почетокот на пандемијата е 547.
МИА/Фото: Фејсбук/Мерко
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.