Во пресрет на новата учебна година, „Веро“ почнува хуманитарна донаторска акција наменета за децата од СОС Детско село со цел да им овозможи успешен почеток на школската година.
Сите потрошувачи во Веро маркетите и Jumbo продавниците може да се вклучат во акцијата и да им помогнат на децата од оваа ранлива категорија, обезбедувајќи им услови за поквалитетно образование.
Со купување на посебно означените производи од училишната програма во Веро маркетите и Jumbo продавниците, потрошувачите донираат средства кои се насочуваат во фондот наменет за СОС Детско село.
За секој купен ранец тие донираат по 30 денари, за училишен несесер 10 денари, додека за секој купен молив, пенкало, тетратка или боенка потрошувачите донираат по 1 денар. Сите собрани средства во оваа акција, која ќе трае до 15 октомври, ќе бидат наменети за образовните потреби на децата згрижени во СОС Детско село.
– Оваа учебна година почнува во специфични услови кои нѐ исправаат пред навистина голем предизвик. Но и во вакви специфични услови „Веро“ не ги заборава оние на кои нашата помош им е најпотребна, децата без родителска грижа. Образованието е најважната алка за развојот на децата и затоа сакаме на сите дечиња да им овозможиме еднакви услови за да добијат поквалитетно образование.
И покрај тоа што кризата ги погоди сите бизнис сектори и има негативно влијание врз целокупната бизнис клима, Веро како општествено одговорна компанија одлучи да ја почне оваа хуманитарна акција и со помош на нашите потрошувачи да им покажеме на децата без родителска грижа дека не се оставени сами.
Ова не е прва донаторска акција што ја организира „Веро“, а секако нема да биде ниту последна, бидејќи како компанија секогаш сме подготвени да им излеземе во пресрет на најзагрозените категории граѓани во земјава, вели Петар Денковски, генерален директор на „Веро“.
Граѓаните кои сакаат да се вклучат во оваа донаторска акција треба да ги побараат означените производи од школската програма во кој било Веро маркет или Jumbo продавница.
Од менаџментот на Веро се надеваат дека хуманитарната акција ќе биде исклучително успешна и дека ќе се соберат доволно средства кои барем малку ќе придонесат за подобро образование и успешен почеток на учебната година на децата од СОС Детско село.
Од СОС Детско село ја поздравуваат хуманитарната акција на „Веро“ и истакнуваат дека таа има многу големо значење за децата згрижени во оваа организација.
„Благодарни сме што и во ова кризно време, кога речиси сите компании се соочуваат со тешкотии, „Веро“ ја покажува својата големина и не ги заборави дечињата поддржани од СОС Детско село.
Нивната хуманитарна акција ќе овозможи да им обезбедиме подобри услови за образование на децата, а со тоа и поквалитетна иднина. Се надеваме дека примерот на „Веро“ ќе биде поттик и за други компании да организираат хуманитарни акции, вели Јулијана Гапо, национален директор на СОС Детско село.
ПРОМОТИВНА ОБЈАВА