Државниот завод за статистика ги објави податоците за просечната месечна исплатена нето-плата по вработен која што во јули 2020 година изнесувала 27.231 денари.
Статистиката покажува дека во Македонија има дејности каде што просечната плата е многу помала отколку државниот просек.
Убедливо најниска просечна плата од 16.285 денари има во секторот заштитни и истражни дејности. Потоа следува секторот туристички агенции, организатори на патувања (туроператори) и останати резервациски услуги со просечна плата од 16.410 денари.
На третото место на листата најниски плати е секторот производство на кожа и слични производи од кожа (16.571 денари).
На четвртото и петтото место се дејностите за подготовка на оброци и служење на храна (16.927 денари) и секторот рибарство и аквакултура (17.401 денари).
ПОВРЗАНИ ВЕСТИ
Просечната нето-плата во јули изнесувала 27.231 денари
Топ пет највисоки просечни плати: Програмерите со 68.557 денари убедливо на врвот