Здружение на медицински сестри, техничари, акушерки и стоматолошки сестри (ЗМСТАСС) информира дека уште една медицинска сестра го загуби животот како последица од компликации со Ковид-19.
„Почитувани членови со огромна жалост ви соопштуваме за прерано згаснатиот живот на уште една наша колешка, жртва на ковид пандемијата, сестра Нашиде Емини (Naside Emini 1961-2021) која долги години беше дел од одделението за дерматовенерологија во ЈЗУ ГОБ „8-ми Септември“ – Скопје.
Ведриот дух, топлината и хуманоста со која зрачеше, трудољубивоста и посветеноста на работата се карактеристиките по кои ќе ја паметат нејзините колешки и сите оние кои ја познаваа.
Унијата заедно со целото членство изразува длабоко сочувство до нејзиното семејство и нејзините најблиски,“ напишаа од Здружението на нивниот Фејсбук-профил.
Фото: Фејсбук/ЗМСТАСС