Во декември, вкупните кредити, забележаа месечен раст од 1,1%, којшто во поголем дел се должи на зголеменото кредитирање на корпоративниот сектор, соопшти Народната банка.
Во споредба со истиот период од претходната година, вкупните кредити се повисоки за 4,7%, во услови на поголем придонес кон растот на секторот „домаќинства“.
„Овој месец, кредитите на корпоративниот сектор, бележат месечен раст од 1,9%, којшто при раст на кредитите во двете валути, во поголем дел се должи на зголемувањето на кредитите во денари.
Анализирано на годишна основа, кредитите на корпоративниот сектор се зголемија за 1,1%, целосно под влијание на растот на кредитите одобрени во странска валута, при забележан пад кај кредитите во денари.
Вкупните кредити на домаќинствата, овој месец, се повисоки за 0,4% на месечно ниво, во целост заради растот на кредитирањето во странска валута.
Гледано на годишно ниво, кредитирањето на домаќинствата бележи раст од 8,0%, како резултат на зголемувањето на кредитите во двете валути, коешто е поизразено кај кредитите во денари“, информира банката.
ПОВРЗАНИ ВЕСТИ
Се штеди и во време на пандемија: Народната банка регистрира пораст на депозитите во декември
Народна банка: Вакцинацијата за Ковид-19 влева оптимизам, но се уште постојат ризици по економијата