Штипското семејство Органиџиски ќе градат болница по гинекологија и акушерство, информираа тие на нивниот Фејсбук-профил.
„Започнавме со подготвителни работи за градбата на нашата болница по гинекологија и акушерство и репродуктивно здравје, проект подготвуван темелно и професионално плод на нашето 28 годишно постоење.
Нашата цел е да даваме здравствени услуги со највисок квалитет, медицински персонал обучен и сертифициран на европско и светско ниво.
Локацијата е на главниот булевар при влез во град Штип веднаш до Универзитетот Гоце Делчев, 5 минути пешки до центарот на градот и 5 минути со кола до автопатот Штип-Скопје.
Локацијата беше внимателно избрана, бидејќи една од најважните работи за една болница е лесниот пристап до истата,“ се вели во нивната објава на Фејсбук.
Фото: Фејсбук/Органџиски