По писмено барање на министерката за одбрана Радмила Шекеринска до нејзиниот романски колега Николае Јонел Чука за итна помош во справувањето со пожарите, Романија донесе одлука да испрати авион за гаснење на пожари со поголем капацитет, соопшти Министерството за одбрана.
– Ве молиме да ги утврдите можностите за испраќање на авион за справување со шумски пожари, кои се од исклучителна потреба за Република Северна Македонија. Сојузничката солидарност е многу важна во овие тешки времиња и ние сме благодарни за сета ваша помош и поддршка, се вели во писмото што министерката Шекеринска го испрати до романскиот министер за национална одбрана, Николае Јонел Чука.
Ова е уште еден позитивен одговор од НАТО сојузничка земја, по реакцијата на министерот за одбрана на Словенија која испрати пожарникари и противпожарни возила во опожарените подрачја низ Северна Македонија и по помошта што ја испрати соседна Бугарија, стои во соопштението од Министерството за одбрана.
ПОВРЗАНИ ВЕСТИ
(Фото) Во Македонија за пожарите стигнаа помош и од Австрија
(Фото) Словенија испраќа 16 противпoжарни возила и 46 пожарникари
(Фото) Србија повторно прва напомош: Во Македонија пристигнаа 4 хеликоптери за гаснење на пожарите
Бугарија испраќа во Македонија 25 пожарникари, 3 противпожарни и 2 амбулантни возила
Фото: МО