Кавадарчанец осомничен за предизвикување на пожарот во кругот на „Охис“

По преземените активности МВР утврди дека лицето С.А. (35) од Кавадарци, околу 16.00 часот, додека вршел заварување на ограда во кругот на „Охис“, го предизвикал пожар во оваа фабрика што избувна во четврокот попладне.

ПОВРЗАНИ ВЕСТИ

(ВИДЕО) Гореше и во ОХИС, пожарот е локализиран, пожарникар заврши во болница

МВР инфромира дека во врска со пожарот во кругот на фабрика „Охис“ во Скопје, во кој беа опожарени покривот и таванот на административната зграда, кат од зградата на лабораторијата, трафостаница, багер, резервоар за вода и магацин за алат, сите во сопственост на правно лице, по ивршениот увид, од страна на полициски службеници од Единицата за насилен криминал, на службен разговор во полициска станица биле повикани повеќе лица.

– По целосно документирање на случајот против С.А. ќе биде поднесена кривична пријава поради постоење основано сомнение за сторено кривично дело „предизвикување на општа опасност“, казниво по член 288 од Кривичниот законик, се наведува во соопштението на МВР.

ПОВРЗАНИ ВЕСТИ

Какви казни предвидува Кривичен законик за подметнување пожари

Дел од пожарите во скопско се подметнати, вели Симоновски, командант на Територијалната противпожарна единица на Град Скопје

(ВИДЕО) Гореше и во ОХИС, пожарот е локализиран, пожарникар заврши во болница

Фото: МИА