Денеска на Саемот на книга имаше раздвиженост за разлика од првите денови на отворањето, велат за „еМагазин“ од најголемите издавачки куќи.
На штандовите забележавме посетители, а на дел од нив се правеа и промоции.
„Викендов е раздвижено, за разлика од првите денови од отворањето кога посетеноста беше послаба. Но тоа се поклопи со трагедијата во Тетово, како и мерките. Иако на отворено, сепак се бара нивно почитување,“ вели за „еМагазин“, вработена во една од издавачките куќи.
При влегувањето на Саем, ни беше побаран и вакцинален сертификат, со образложение дека иако е на отворено, сепак се работи за организиран настан.
Понудата на издавачите, е според можностите и условите кои владеат на пазарот.
Според дел од нив, кои имаат продавници по моловите, велат дека таму посетеноста е опадната за 60 проценти. Загубите кои ги трпат се огромни.
Саемот на книга ќе трае до 14 септември, вторник.