Доктор Беќаровски: Индија е првата земја која ја има лиценцата за новиот лек за Ковид-19 и за разлика од цената на „Мерк“, ќе чини 25 долари

Доктор Нико Беќаровски на неговиот Фејсбук-профил се осврна на ситуацијата со вакцинирањето во Македонија и Балканот, споредувајќи ја состојбата со таа во Индија, каде што пред само неколку месеци имаше масовно умирање од Ковид-19.

„Се сеќавате на траорните слики кои ни доаѓаа од Индија пред 9 месеци??? Вчера во Индија беше аплицирана милијардитата доза на вакцина. Во Индија се користат вакцините Covishield (AstraZeneca), Covaxin (Sinovac) и SputnikV.

Денес Индија има 10-12 новозаболени на милион жители и 150-200 починати на 1.2 милијарди жители. (t.e. 0,2-0,6 на милион).

Индија е првата земја која ја има лиценцата за новиот лек за Ковид-19 (Молнупиравир) и за разлика од цената која ја понуди Merck (600 долари), нивниот лек ќе биде само 25 долари.

Индиска мудрост наспроти балкански менталитет,“ пишува Беќаровски.

ПОВРЗАНИ ВЕСТИ

Што до сега се знае за „Молнупиравир“, единствениот лек против Ковид-19: Кому ќе се дава и дали во домашни услови?

Фото: Фејсбук/Беќаровски