Тројца лекари од Институтот за судска медицина во Скопје се очекува денеска да се приклучат на експертскиот тим во Софија, кој ќе врши обдукција и идентификација на телата на загинатите македонски државјани во автобуската несреќа во Бугарија.
Како што соопшти министерот за надворешни работи Бујар Османи, нашите тројца експерти се веќе во Софија со цел да помогнат за побрзо завршување на обдукцијата.
По известување од министерот за здравство и укажување од неговиот бугарски колега дека за нивен ангажман ќе биде потребна официјална нота од македонска страна преку бугарското МНР до Обвинителството во Софија, тоа е, вели Османи, направено.
Вчера нотата е испратена со барање тројцата експерти на Институтот за судска медицина во Скопје да бидат дел од експертскиот тим за обдукција и идентификација на телата.
– Тоа барање е упатено конечно до Обвинителството, процедура која сепак според бугарските власти треба да се почитува и очекувам Обвинителството да го одобри нивното вклучување во процесот на идентификација, рече Османи.
ПОВРЗАНИ ВЕСТИ
По идентификацијата, останките на загинатите ќе бидат пренесени во Македонија
Трошоците за враќање на загинатите во несреќата во Бугарија ќе ги покрие државата
МИА/Фото: МЗ