Откако австралискиот суд ја поништи одлуката за да му се укине визата, со што му се овозможи престој во Австралија, Новак Ѓоковиќ објави фотографија од терените во Мелбурн.
„Му благодарам на судијата што донесе пресуда да ми се врати визата за престој во Австралија. И покрај се што се случуваше изминатата недела, сакам да останам и да се натпреварувам на Австралија опен.
Останувам концентриран на тенисот. Патував овде за да учествувам на еден од најважните турнири во историјата, и дефинитивно еден од најуспешните за мене.
Моментно толку можам да напишам, и нормално, едно огромно благодарам на сите ширум светот кои ме поддржуваа, ми даваа сила и ме охрабруваа да останам присебен и силен,“ напиша Ѓоковиќ на социјалните мрежи.
Но, дали Ѓоковиќ ќе остане во Австралија, се уште не се знае, бидејќи министерот за имиграција Алекс Хок, има исклучителни овластувања и дискреција да поништува визи од кои било причини.
ПОВРЗАНИ ВЕСТИ
Австралискиот суд пресуди во корист на Ѓоковиќ, но се уште е неизвесно дали ќе биде депортиран
Фото: Инстаграм/Ѓоковиќ