Демократската унија за интеграција (ДУИ) најостро го осудува насилството што на седницата на Комисијата за европски прашања во Собранието го извршија пратениците на ВМРО-ДПМНЕ заедно со пратениците на Алијансата за Албанците, стои во реакцијата на владејачката ДУИ, чии пратеник Арбер Адеми се однесуваше насилно во Собранието и со шолја за кафе и пластично шише гаѓаше пратеници.
“Секогаш кога тема на расправа и на дневен ред во Собранието е воспоставувањето правда во државата, ВМРО-ДПМНЕ и Алијансата за Албанците провоцираат вербално и физичко насилство со цел да го заштитат криминалот и секогаш се појавуваат против правилното функционирање на правосудниот систем.
На седницата на Комисијата за европски прашања уште еднаш се докажа дека ВМРО-ДПМНЕ и другите опозициски партии употребуваат насилство за да ја блокираат работата на Комисијата и тоа токму пратеници кои се под истрага поттикнаа инцидент и ја прекинаа седницата.
Демократската унија за интеграција ги информира граѓаните и пошироката јавност дека Собранието ќе продолжи да функционира во прозападен евро-американски дух и ќе ја поддржи реализацијата на реформската агенда во партнерство со Соединетите Американски Држави и Европската Унија“, велат од ДУИ.
ПОВРЗАНИ ВЕСТИ
Адеми од ДУИ на „тапет“ на Твитер за инцидентот во македонското Собрание
Фото: Влада