Долгогодишниот пратеник и поранешен министер, Павле Трајанов во изјава за „Слободен печат“, коментирајќи го инцидентот со пратеникот на ДУИ, Арбер Адеми во Собранието, вели дека во законодавниот дом кружи многу алкохол и тоа меѓу другото има влијание кон вкупната атмосфера и однесување на дел од пратениците.
– Мислам дека во целина имаме ниска култура на однесување. Сведоци сме на меѓусебни навреди, девалвирања меѓу опозицијата и позицијата. Се користат сите инструменти за дискриминација од едните кон другте.
Недостасува ниво на комуникација и тоа по некоја линија создава меѓусебна недоверба која неретко резултира со вербални навреди, недолични коментари, па дури понекогаш и физички пресметки.
Достапноста на алкохолот во Собранието е причина плус за ваквата атмосфера, посочува Трајанов.
ПОВРЗАНИ ВЕСТИ
Пратеникот на ДУИ, Адеми се извини за инцидентот, ама смета дека не е виновен
„Летаа филџани и шишиња во македонскиот Парламент“: Адеми од ДУИ стана регионална ударна вест
Фото: ДС