Макошпед АД Скопје за периодот јануари – јуни 2018 година оствари добивка во износ од 5.536 илјади денари искажана во неревидираниот Биланс на успех, соопшти компанијата преку Македонската берза.
„Остварените вкупни приходи за период јануари – јуни 2018 година изнесуваат 38.532 илјади денари и во споредба со остварените вкупни приходи за истиот период од 2017 година бележат зголемување од 25,9 %.
Оперативните приходи изнесуваат 34.832 илјади денари и бележат пораст од 23% во однос на оперативните приходи за истиот период од 2017 година. Истите учествуваат со 90,4 % во вкупните приходи.
Финансиските приходи изнесуваат 3.700 илјади денари и бележат раст во однос на финансиските приходи за истиот период од 2017 година .
Вкупните расходи за период ајнуари – јуни 2018 година во износ од 32.996 илјади денари бележат незначителен пораст од 0,36 % во однос на вкупните расходи за истиот период од 2017 година.
Оперативните расходи во првото полугодие од 2018 година изнесуваат 32.060 илјади денари и истите се намалени за 2% во однос на првото полугодие од 2017 година.
Финансиските расходи изнесуваат 936 илјади денари и бележат пораст во однос на финансиските расходи за истиот период од 2017 година„, велат од компанијата.