Во првите шест месеци од годината Витаминка АД Прилеп оствари оствари добивка од 45.787 илјади денари, покажува неревидираниот Билан на успех на компанијата објавен преку Македонската берза.
Лани во истиот период компанијата имала добивка од 15.554 илјади денари.
„Остварените единечни вкупни приходи во периодот јануари – јуни 2018 година изнесуваат 954.378 илјади денари и во споредба со остварените во 2017 година за истиот период бележат пораст од 14 %.
Во структурата на вкупните приходи најголемо учество, 99 %, имаат приходите остварени од продажба на производи и услуги од основна дејност, кои во споредба со остварените во 2017 година бележат пораст од 15%.
Остварените единечни вкупни расходи во периодот јануари- јуни 2018 година изнесуваат 940.280 илјади денари и во споредба со остварените во 2017 година бележат раст од 16%. Растот на вкупните расходи е во корелација со работењето во 2018 година за извештајниот период“, велат од компанијата.
Фото: Витаминка